కూరలో రుచి కోసం కరివేపాకు వేస్తారు కానీ తినే సమయానికి దాన్ని తీసి పక్కన పడేస్తారు అదీ కరివేపాకు పరిస్థితి ఇప్పుడు హాస్య నటుడు బ్రహ్మానందం పరిస్థితి కూడా అలాగే తయారయ్యింది . ఒకప్పుడు బ్రహ్మానందం డేట్స్ ముందుగా తీసుకోండి అతడి డేట్స్ ప్రకారమే మన షూటింగ్ అని అగ్ర హీరోలు సైతం అనేవాళ్ళు . అప్పట్లో బ్రహ్మానందం హవా నడిచింది ఏకంగా అగ్ర హీరోలతో సమానంగా రెమ్యునరేషన్ కూడా తీసుకున్నాడు . ఒకదశలో హీరో కంటే ఎక్కువగా బ్రహ్మానందం కోసమే సినిమాకు వచ్చేవాళ్ళు ప్రేక్షకులు .
కట్ చేస్తే కాలం మారింది , ఇప్పుడు బ్రహ్మానందం కు పోటీగా బోలెడు మంది కమెడియన్ లు వచ్చారు దాంతో సంవత్సరాల తరబడి సాగిన బ్రహ్మి స్టార్ డం మొత్తం పోయింది . తాజాగా బ్రహ్మానందం ప్రేక్షకులను నవ్వించలేక పోతున్నాడు అంతేకాదు జూనియర్ ఆర్టిస్ట్ కంటే ఎక్కువగా గ్రాఫ్ పడిపోయింది . తాజాగా రవితేజ నటించిన నేల టిక్కెట్టు సినిమానే బ్రహ్మి రేంజ్ ఏంటి అన్నది తేలిపోయింది . ఈ సినిమాలో బ్రహ్మానందం ని మరీ జూనియర్ ఆర్టిస్ట్ లా వాడుకున్నారు పాపం .