కేజిఎఫ్ చాప్టర్ 1 తో నేషనల్ వైడ్ స్టార్ అయిపోయాడు కన్నడ స్టార్ హీరో యష్. కేజిఎఫ్ చాప్టర్ 2 విడుదలకు సిద్ధంగా ఉంది. వచ్చే ఏప్రిల్ లో ఈ సినిమాను విడుదల చేయబోతున్నారు. ఇదిలా ఉంటే యష్ స్ట్రైట్ తెలుగు సినిమా చేద్దామని గత కొంత కాలంగా భావిస్తున్నాడు. ఈ నేపథ్యంలో తెలుగు స్టార్ దర్శకుడు బోయపాటి శ్రీనుతో సినిమా చేస్తాడని తెల్సింది.
ఈ మధ్యే యష్, బోయపాటి మధ్య కొన్నిసార్లు చర్చలు జరిగాయట. యష్ కూడా బోయపాటి స్క్రిప్ట్ కు పాజిటివ్ గా రెస్పాండ్ అయినట్లు తెలుస్తోంది. కేజిఎఫ్ చాప్టర్ 2 విడుదల కోసం చూస్తోన్న యష్ తన నెక్స్ట్ సినిమా కోసం ప్రిపేర్ అవుతున్నాడు. ఇక బోయపాటి ప్రస్తుతం నందమూరి బాలకృష్ణ హీరోగా అఖండ చిత్రాన్ని డైరెక్ట్ చేస్తోన్న విషయం తెల్సిందే.
ఈ నేపథ్యంలో వచ్చే ఏడాది వీరిద్దరి కాంబినేషన్ లో సినిమా ఉండవచ్చు. కేజిఎఫ్ తరహాలో ఇది కూడా ప్యాన్ ఇండియా ప్రాజెక్ట్ గా రూపొందుతుంది. అయితే దీనిపై మరింత క్లారిటీ రావాలంటే మరికొంత సమయం పడుతుంది.