బుల్లితెర‌పై పాపుల‌ర్ అయిన షో బిగ్బాస్. ఉత్త‌రాదికే ప‌రిమిత‌మైన బిగ్బాస్ షో తెలుగులో నాగార్జున ద్వారా, త‌మిళంలో క‌మ‌ల్‌హాస‌న్ ద్వారా ద‌క్షిణాదికి పాకిన విష‌యం తెలిసిందే. ఇటీవ‌ల నాగార్జున వ్యాఖ్య‌తగా వ్య‌వ‌హ‌రించిన సీజ‌న్ 3 బిగ్ హిట్ కావ‌డంతో సీజ‌న్ 4పై భారీ అంచ‌నాలు ఏర్ప‌డ్డాయి. స్టార్ మ‌లో ప్ర‌సారం కానున్న ఈ రియాలిటీ షో త్వ‌ర‌లో ప్రారంభం కాబోతోందంటూ వార్త‌లు వినిపిస్తున్నాయి.
త్వ‌ర‌లో ప్రారంభం కానున్న ఈ షోలో హీరో త‌రుణ్‌, మంగ్లీ, వ‌ర్షిని, అఖిల్ స‌ర్త‌క్ పాల్గొంటార‌ని, త్వ‌ర‌లోనే మ‌రి కొంత మంది కంటెస్టెంట్‌ల‌ని ఎంపిక చేసి ప్ర‌క‌టిస్తార‌ని ప్ర‌చారం జ‌రుగుతున్న వేళ అస‌లు ఈ ఏడాది ఈ షో జ‌రిగే అవ‌కాశం లేద‌ని తాజాగా వార్త‌లు వినిపిస్తున్నాయి. అన్న‌పూర్ణ స్టూడియోస్ సెవెన్ ఎక‌ర్స్‌లో ప్ర‌త్యేకంగా వేసిన సెట్‌లో ఈ షోని నిర్వ‌హించ‌బోతున్నారు.
అయితే తాజా స‌మాచారం ప్ర‌కారం ఈ షోకు ప్ర‌భుత్వం నుంచి అనుమ‌తి ల‌భించే అవ‌కాశం లేద‌ని తెలుస్తోంది. సోష‌ల్ డిస్టెన్స్‌ని మెయింటైన్ చేస్తూ ఈ షోని నిర్వ‌హించ‌డం క‌ష్టం కాబ‌ట్టి ఈ షోకు ప్ర‌భుత్వం అనుమ‌తి ఇవ్వ‌డం క‌ష్టం అని ప్ర‌చారం మొద‌లైంది. దీనిపై షో నిర్వాహ‌కులు ఎలాంటి ప్ర‌క‌ట‌న చేస్తారో చూడాలి. ఒక వేళ ప్ర‌భుత్వం అనుమ‌తిస్తే దీనికి నాగార్జున హోస్ట్ గా వ్య‌వ‌హిస్తారు.