పవన్ కళ్యాణ్ – రానా కలయికలో తెరకెక్కిన భీమ్లా నాయక్ ఓటిటి రైట్స్ ను ప్రముఖ ఓటిటి సంస్థ ‘డిస్నీ ప్లస్ హాట్ స్టార్’ దక్కించుకున్నట్లు సమాచారం. సాగర్ కే చంద్ర డైరెక్ట్ చేసిన ఈ చిత్రాన్ని సూర్యదేవర నాగవంశీ నిర్మించాడు. త్రివిక్రమ్ శ్రీనివాస్ మాటలు, దర్శకత్వ పర్యవేక్షణ అందించడం విశేషం. థమన్ మ్యూజిక్ అందించగా.. నిత్య మీనన్, సంయుక్త మీనన్లు హీరోయిన్లు గా నటించారు.
మొన్నటి వరకు ఈ మూవీ రిలీజ్ డేట్ ఫై అనేక అనుమానాలు నెలకొని ఉండేవి. కానీ ఆ అనుమానాలను పటాపంచలు చేస్తూ సినిమాను ఫిబ్రవరి 25 న ప్రేక్షకుల ముందుకు తీసుకొస్తున్నట్లు నిర్మాత నాగ వంశీ ప్రకటించారు. ఈ ప్రకటన తో అభిమానులు సంబరాలు చేసుకుంటున్నారు.
ఇదిలా ఉంటె ఈ చిత్రం తాలుకా ఓటిటి హక్కులను ప్రముఖ ఓటిటి సంస్థ ‘డిస్నీ ప్లస్ హాట్ స్టార్’ వారు ఫ్యాన్సీ ప్రైస్ ఇచ్చి కొనుగోలు చేశారట. దీనితో ఈ సినిమా స్ట్రీమింగ్ పార్ట్నర్ కన్ఫర్మ్ అయ్యినట్టు తెలుస్తుంది. ఇక విడుదలకు సమయం తక్కువగా ఉండడం తో మేకర్స్ ప్రమోషన్ ఫై దృష్టి సారించారు. ఈ నెల 21 న ఈ మూవీ ప్రీ రిలీజ్ ఈవెంట్ ను హైదరాబాద్ లోని యూసఫ్ గూడా లో చేసేందుకు సన్నాహాలు చేస్తున్నారు. దీనిపై మరో రెండు రోజుల్లో అధికారిక ప్రకటన రానుంది.