పవన్ కళ్యాణ్ నటించిన తాజా చిత్రం భీమ్లా నాయక్. ఈ మూవీ లో రానా విలన్ రోల్ లో నటిస్తుండగా ..పవన్ కు జోడిగా నిత్యా మీనన్ , రానా కు జోడి గా సంయుక్త మీనన్ నటిస్తున్నారు. సాగర్ కే డైరెక్ట్ చేస్తుండగా…త్రివిక్రమ్ మాటలు , స్క్రీన్ ప్లే అందిస్తున్నారు. ఇప్పటికే సెన్సార్ కార్య క్రమాలు పూర్తి చేసుకొని యూ / ఏ సర్టిఫికెట్ పొందిన ఈ మూవీ ఈ నెల 25 న ప్రేక్షకుల ముందుకు రాబోతుంది.
ఈ క్రమంలో సినిమా తాలూకా విశేషాలు బయటకొస్తూ అంచనాలు పెంచేస్తున్నాయి. ప్రీ రిలీజ్ ఈవెంట్ ను రేపు హైదరాబాద్ లో గ్రాండ్ గా జరపబోతున్నారు. ఈ ఈవెంట్ కు కేటీఆర్ , మంత్రి తలసాని హాజరుకాబోతున్నట్లు ఇప్పటీకే మేకర్స్ అధికారిక ప్రకటన చేశారు.
ఇక బెనిఫిట్ షోస్ ఎక్కడెక్కడ పడబోతున్నాయి…వాటి టికెట్ ధరలు ఎలా ఉండబోతాయి అనే దాని గురించి అభిమానులు మాట్లాడుకుంటున్నారు. దీనిపై నిర్మాత నాగ వంశీ ఇప్పటికే పలు మాస్ థియేటర్స్ యాజమాన్యాలతో మాట్లాడినట్లు తెలుస్తుంది.
మూసాపేట్ , కూకట్ పల్లి , బోరబండ పలు ఏరియాలోని థియేటర్స్ లలో బెనిఫిట్ షోస్ వేసేందుకు ప్లాన్ చేస్తున్నారు. ఇక ఈ బెనిఫిట్ షోస్ టికెట్ ధర రూ. 700 నుండి 1000 ల వరకు ఉండొచ్చనే వార్తలు వినిపిస్తున్నాయి. మరి ఈ సినిమా మొదటిరోజు బాక్సాఫీస్ వద్ద ఏ స్థాయిలో కలెక్షన్స్ అందుకుంటుందో చూడాలి.