నటసింహం నందమూరి బాలకృష్ణ తాజా చిత్రం “రూలర్.” రిలీజ్ కి సిద్ధంగా ఉంది. ఇప్పటికే విడుదలైన పాటలు, ట్రైలర్స్ అన్నీ ఫ్యాన్స్ కి తెగ నచ్చేసాయి. ఇక ఈ సినిమాలో అందరూ మాట్లాడుకుంటున్నది బాలయ్య బాబు గెటప్స్ గురించి, ఈ సినిమాలో తన పాత్ర మొత్తం 3 కోణాలలో సాగుతుంది అని బాలకృష్ణ ప్రకటించారు. ఒకటి ఇన్స్పెక్టర్ అయితే మరొకటి నాగలి ధరించిన రైతు పాత్ర. అయితే అందరినీ ఆకర్షిస్తున్నది మాత్రం సాఫ్ట్ వేర్ ఇంజనీర్ క్యారెక్టర్.
ఈ గెటప్ లో బాలయ్యను చూసిన అభిమానులు అయితే టాలీవుడ్ టోనీ స్టార్క్ అని తెగ సంబరపడిపోతున్నారు. ఈ వైవిధ్యం కోసం బాలకృష్ణ కేవలం 3 నెలలలో 13 కిలోలు తగ్గి సూపర్ స్లిమ్ అయిపోయారు. అయితే దీనికోసం స్పెషల్ డైట్ తీసుకుని రోజుకి ఉదయం 3 గంటలు, సాయంత్రం షూటింగ్ అయ్యాక 2 గంటలు ఎక్సర్ సైజ్ లు చేసారు బాలకృష్ణ. పాత్రలో పరకాయ ప్రేవేశం చేసి, అసాధ్యాలను సుసాధ్యం చెయ్యడం ఆయనకే సాధ్యం. ఇక అందరికీ ఏకగ్రీవంగా నచ్చిన ఆ క్యారెక్టర్ గురించి అడుగుతుంటే, అది ఒకసారి ఒక అభిమాని తనకు ఎందుకో టోనీ స్టార్క్ ఫోటో పంపాడని, ఈ సినిమా చేస్తున్నప్పుడు ఈ గెటప్ అనుకోకుండా అలా సెట్ అయిందని, మొత్తానికి ఈ సినిమా కోసం నందమూరి టోనీ స్టార్క్ గా మారిపోయానని బాలకృష్ణ రూలర్ సినిమా ప్రమోషన్ కార్యక్రమంలో వెల్లడించారు.