వెండితెర‌పై ఓ జంగ హిట్ పెయిర్‌గా పేరు తెచ్చుకుంటే ఆ జంట మరోసారి తెర‌పై క‌నిపించాల‌ని ఫ్యాన్స్ మ‌ళ్లీ మ‌ళ్లీ కోరుకుంటుంటారు. త‌మ అభిమాన జంట క‌లిసి న‌టిస్తే చూడాల‌ని ఎక్జైట్ అవుతుంటారు. యంగ్ రెబ‌ల్ స్టార్ ప్రభాస్, అనుష్క ఫ్యాన్స్ కూడా ఇదే ఎక్జైట్‌మెంట్‌తో వున్నారు. `బాహుబ‌లి`, మిర్చీ వంటి హిట్ చిత్రాల్లో హిట్ పెయిర్‌గా నిలిచిన ప్రభాస్ – అనుష్క జోడి మ‌ళ్లీ తెర‌పై సంద‌డి చేయాల‌ని కోరుకుంటున్నారు.
అలా కోరు కోవ‌డ‌మే కాకుండా ఫ్యాన్ మెయిడ్ పోస్ట‌ర్ల‌తో త‌మ కోరిక‌ని బ‌య‌ట‌పెడుతున్నారు. యంగ్ రెబ‌ల్ స్టార్ ప్రభాస్ న‌టిస్తున్న చిత్రం `రాధేశ్యామ్‌`. ఈ మూవీ త‌రువాత ప్రభాస్ మ‌రో రెండు చిత్రాల‌కు గ్రీన్ సిగ్న‌ల్ ఇచ్చిన విష‌యం తెలిసిందే. నాగ్ అశ్విన్ చిత్రంతో పాటు బాలీవుడ్ దర్శకుడు ఓమ్ రౌత్ రూపొందించ‌నున్న `ఆది పురుష్‌`. త్రీడీ లో అత్యంత భారీ స్థాయిలో రామాయ గాధ నేప‌థ్యంలో ఈ సినిమా రూపొంద‌నుంది.
ఇందులో రావ‌ణుడిగా బాలీవుడ్ హీరో సైఫ్ అలీఖాన్ న‌టిస్తున్నారు. సీత పాత్ర కోసం చాలా మంది పేర్లు వినిపించాయి. అయితే అనుష్క పేరు తెర‌పైకి రావ‌డంతో ప్రభాస్ ఫ్యాన్స్ ఆనందానికి అవ‌ధులు లేకుండా పోయాయి. దీంతో అనుష్క సీత పాత్ర‌లో న‌టిస్తే `ఆది పురుష్‌` ఎలా వుంటుందో ఊహిస్తూ ఫ్యాన్స్ ఓ ఫ్యాన్ మేడ్ పోస్ట‌ర్‌ని రెడీ చేసి సోష‌ల్ మీడియాలో వ‌దిలారు. ఇప్ప‌డ‌ది వైర‌ల్గా మారింది. ఎంత‌గా అంటే ఈ పోస్ట‌ర్ చూస్తూ ప్రభాస్, దర్శకుడు ఓమ్ రౌత్ సీత పాత్ర‌కు అనుష్క‌నే ఎంపిక చేసుకునేంత. మ‌రి అది జ‌రుగుతుందో లేదో తెలియాలంటే వేచి చూడాల్సిందే.