సాలిడ్ అందాల భామ అనుష్క కు ప్రభాస్ లాంటి మిస్టర్ పర్ ఫెక్ట్ భర్త గా రావాలని కోరుకుంటున్నానని సంచలన వ్యాఖ్యలు చేసింది అనుష్క తల్లి ప్రఫుల్లా శెట్టి . ప్రభాస్ – అనుష్క ల మధ్య గతకొంత కాలంగా పెళ్లి వార్తలు వస్తున్న విషయం తెలిసిందే . అయితే ఆ వార్తలను ఎప్పటికప్పుడు అనుష్క కానీ ప్రభాస్ కానీ ఖండిస్తూనే ఉన్నారు అయినప్పటికీ ఆ వార్తలకు అంతేలేకుండా పోతోంది . ఇద్దరు కలిసి పెళ్లి చేసుకోబోతున్నట్లుగా వార్తలు వస్తూనే ఉన్నాయి .
తాజాగా అనుష్క తల్లి ప్రఫుల్లా శెట్టి చేసిన వ్యాఖ్యలు కూడా సంచలనం సృష్టిస్తున్నాయి . ప్రభాస్ లాంటి వాడు అనుష్క కు భర్తగా లభిస్తే సంతోషం కానీ వాళ్లిద్దరూ మంచి స్నేహితులు మాత్రమే అని , కానీ వాళ్లిద్దరి పై వస్తున్న గాసిప్స్ మమ్మల్ని ఆవేదనకు గురి చేస్తోందని అంటోంది ప్రఫుల్లా శెట్టి . ప్రభాస్ తో ఎక్కువ సినిమాల్లో అనుష్క నటించడంతో ఈ రూమర్స్ పుట్టుకొస్తున్నాయి . ఇక ఎక్కువ సినిమాల్లో కలిసి నటించిన పలువురు పెళ్లి చేసుకోవడం తో ఈ జంట పై కూడా ఊహాగానాలు చెలరేగుతున్నాయి . అనుష్క మరో లేడీ ఓరియెంటెడ్ సినిమాలో నటించడానికి సమాయత్తం అవుతోంది .