Monday, August 15, 2022
Homeటాప్ స్టోరీస్అల్లు అర్జున్ ఐకాన్ ను పక్కన పెట్టేసినట్టేనా?

అల్లు అర్జున్ ఐకాన్ ను పక్కన పెట్టేసినట్టేనా?

Allu Arjun Icon
Allu Arjun Icon

స్టైలిష్ స్టార్ అల్లు అర్జున్ కెరీర్ లో నా పేరు సూర్య అనేది చాలా ఇంపార్టెంట్ సినిమా అని చెప్పుకోవచ్చు. ఆ సినిమా హిట్ అవ్వలేదు కానీ అది హిట్ అవ్వకపోవడం వలన అల్లు అర్జున్ అంతర్మథనంలో పడ్డాడు. అసలు తనకి ఎలాంటి సినిమాలు నప్పుతాయి, ఎలాంటి చేయకూడదు అని అనలైజ్ చేసుకోవడంతోనే దాదాపు సంవత్సర కాలం గడిచిపోయింది. అయితే ఆ సంవత్సరం తర్వాత బన్నీ ఒకేసారి 3 సినిమాలను ప్రకటించాడు. మొదటిది త్రివిక్రమ్ శ్రీనివాస్ తో సినిమా. ఈ సినిమా షూటింగ్ అంతా సెటప్ అయ్యాక మిగిలిన రెండు సినిమాల విశేషాలను మీడియాకు రిలీజ్ చేసాడు. త్రివిక్రమ్ శ్రీనివాస్ తో చేసే సినిమాకు అల వైకుంఠపురములో అని టైటిల్ ను కన్ఫర్మ్ చేసారు. రెండో సినిమా సుకుమార్ తో కన్ఫర్మ్ అవ్వగా, మూడో సినిమా దిల్ రాజు కాంపౌండ్ లో దర్శకుడు వేణు శ్రీరామ్. మూడో సినిమాకు ఐకాన్ అన్న టైటిల్ ను కూడా కన్ఫర్మ్ చేసారు.

- Advertisement -

అల వైకుంఠపురములో షూటింగ్ శరవేగంగా సాగిపోతుండగా మిగిలిన ఇద్దరు దర్శకులు స్క్రిప్ట్ ను ఫైనల్ చేసే దశలో ఉన్నారు. సాధారణంగా ముందు స్టార్ డైరెక్టర్ కాబట్టి సుకుమార్ సినిమా మొదలవుతుందని అనుకుంటారు. కానీ అల్లు అర్జున్ ఎక్కువగా ఐకాన్ మీద ఇంట్రెస్ట్ చూపించేవాడు. బయటకు ఎక్కడికి వెళ్లినా కూడా ఐకాన్ ఉన్న టోపీలనే పెట్టుకుని తిరిగేవాడు. దీనివల్ల మీడియాలో ఏంటి అల్లు అర్జున్ కు ఈ కథ మీద ఇంత ఆసక్తి అన్న కథనాలు కూడా వచ్చేసాయి. మరోవైపు సుకుమార్ ను స్క్రిప్ట్ చేంజెస్ పేరుతో బాగా ఇబ్బంది పెడుతున్నాడని కూడా అన్నారు. సుకుమార్ రాసిన కథను పదే పదే మార్చమని చెబుతుండడంతో సుకుమార్ కూడా విసుగుకు లోనయ్యాడని కథనాలు ప్రచారమయ్యాయి.

కట్ చేస్తే ప్రస్తుతం అల్లు అర్జున్ అల వైకుంఠపురములో చిత్ర షూటింగ్ ను పూర్తి చేసే దశలో ఉన్నాడు. నవంబర్ కల్లా ఈ చిత్ర షూటింగ్ పూర్తవుతుంది. జనవరి నుండి బన్నీ నెక్స్ట్ సినిమా మొదలుపెట్టడానికి సిద్ధమని చెప్పేసాడు. మొదట ఐకాన్ మీద విపరీతమైన ఆసక్తి చూపిస్తూ వచ్చిన అల్లు అర్జున్ ఇప్పుడు ఐకాన్ ను పక్కనపెట్టేస్తున్నాడంటూ వార్తలు వస్తున్నాయి. సుకుమార్ సినిమాను కూడా కాదని ఐకాన్ మీద అంత ప్రేమ పెంచుకున్న బన్నీకి సడెన్ గా ఏమైందంటే.. మొదట ఫస్ట్ నేరేషన్ అప్పుడు ఐకాన్ నచ్చిందట. అయితే రీసెంట్ గా ఫైనల్ నేరేషన్ ఇచ్చినప్పుడు సెకండ్ హాఫ్ మొత్తం ఫ్లాట్ గా ఉందని అల్లు అర్జున్ ఫీల్ అయ్యాడట. ఇక ఆ కథకు అంతకుమించి చేంజస్ ఏం చేసినా కూడా పెద్ద ప్రయోజనం ఉండదని బన్నీ భావించి ఇక దాన్ని పూర్తిగా పక్కనపెట్టేద్దామని డిసైడ్ అయ్యాడట. ఈ మేరకు దిల్ రాజుతో కూడా ప్రాధమికంగా చర్చించినట్లు సమాచారం. ఇక మరోవైపు సుకుమార్ సినిమాకు ఎట్టకేలకు పచ్చజెండా ఊపాడు బన్నీ. రేపే ఈ సినిమాకు ముహూర్తం.ఈ చిత్రానికి సంబంధించిన మరిన్ని వివరాలు రేపు తెలుస్తాయి.

Advertisement
Advertisement

టాప్ స్టోరీస్

View All

గాసిప్స్

View All

Latest Posts