Saturday, October 1, 2022
Homeటాప్ స్టోరీస్అల్లు అర్జున్ ఎక్కడా తగ్గకూడదని డిసైడ్ అయ్యాడుగా

అల్లు అర్జున్ ఎక్కడా తగ్గకూడదని డిసైడ్ అయ్యాడుగా

అల్లు అర్జున్ ఎక్కడా తగ్గకూడదని డిసైడ్ అయ్యాడుగా
అల్లు అర్జున్ ఎక్కడా తగ్గకూడదని డిసైడ్ అయ్యాడుగా

సాధారణంగా కొన్నేళ్ల క్రితం వరకూ మన హీరోలు ప్రమోషన్స్ అంటేనే అంటీముట్టనట్టుగా ఉండేవారు. ఏదో మొక్కుబడిగా ఒకటి రెండు ఇంటర్వ్యూలతో సరిపెట్టేవారు. మౌత్ టాక్ తోనే సినిమా ఊపందుకుని హిట్స్ అయ్యేవి. అయితే ఇప్పుడు పరిస్థితిలో మార్పు వచ్చింది. సినిమాలకు లాంగ్ రన్స్ తగ్గిపోయాయి. మహా అయితే నాలుగైదు వారాలు ఆడుతున్నాయి అంతే. అది కూడా సినిమాకు బ్లాక్ బస్టర్ టాక్ వస్తేనే. లేదంటే రెండు వారాలకు మించట్లేదు.

- Advertisement -

దాంతో ఎంత వెనక్కి తిరిగి రాబట్టుకున్నా ఈ రెండు, మూడు వారాల్లోనే. అందుకే సినిమాకు ఓపెనింగ్స్ అనేవి చాలా కీలకం. తొలి వారాంతంలోనే ఎంత వీలయితే అంతా రాబట్టేసుకోవాలి. ఈ సత్యాన్ని మన స్టార్ హీరోలు ఒక్కొక్కరుగా తెలుసుకుంటున్నారు. సూపర్ స్టార్ మహేష్ బాబు గత కొన్ని చిత్రాలుగా ఈ విషయాన్ని గ్రహించి అన్ని రకాల మీడియాలకు ఇంటర్వ్యూల మీద ఇంటర్వ్యూలు ప్రతి సినిమాకూ ఇచ్చుకుంటూ వస్తున్నాడు. ఇప్పటికే తెలుగు టివి మీడియాకు, సోషల్ మీడియాకు పలు ఇంటర్వ్యూలు ఇచ్చాడు.

సాధారణంగా ఎక్కువ సంఖ్యలో ఇంటర్వ్యూలకు పెద్దగా ఆసక్తి చూపించని బన్నీ కూడా అల వైకుంఠపురములో విషయానికి వచ్చేసరికి మారిపోయాడు. ఈసారి భారీ సంఖ్యలో ఇంటర్వ్యూలు ఇస్తున్నాడు. ముందుగా బాలీవుడ్ మీడియాకు పలు ఇంటర్వ్యూలు ఇచ్చాడు. వారందరూ ఇప్పుడు వాటిని టెలికాస్ట్ చేస్తున్నారు. దీంతో జాతీయ స్థాయిలో బన్నీ సినిమా గురించి చర్చ నడుస్తోంది. త్వరలోనే మన మీడియాకు కూడా అధిక సంఖ్యలో ఇంటర్వ్యూలు ఇవ్వబోతున్నట్లు తెలుస్తోంది. అలాగే సినిమా రిలీజ్ తర్వాత కూడా పోస్ట్ రిలీజ్ ప్రమోషన్స్ ను గట్టిగానే ప్లాన్ చేసారు.

ఈసారి సంక్రాంతి పోటీ విపరీతంగా ఉండడంతో బన్నీ ఎక్కడా తగ్గకూడదని డిసైడ్ అయినట్లు సమాచారం. అందుకే బన్నీ ప్రమోషన్స్ ను ఓ రేంజ్ లో చేస్తున్నాడు. ఈ ప్రమోషన్స్ కు తోడు కంటెంట్ కూడా బాగుంటే అల వైకుంఠపురములో చిత్రాన్ని ఎవరూ ఆపలేరు.

Advertisement
Advertisement

టాప్ స్టోరీస్

View All

గాసిప్స్

View All

Latest Posts