బాలీవుడ్ బ్యూటీ అలియాభట్ కోసం గత కొన్ని నెలలుగా జక్కన్న వేయి కళ్లతో ఎదురుచూస్తున్న విషయం తెలిసిందే. ఆదివారం `ఆర్ఆర్ఆర్` షూటింగ్ కోసం ముంబై నుంచి హైదరాబాద్ లో ల్యాండైన అలియా భట్ కు రాజమౌళి సాదరంగా స్వాగతం పలికారు. రామోజీ ఫిల్మ్ సిటీలో ప్రస్తుతం `ఆర్ ఆర్ ఆర్` షూట్ జరుగుతోంది. ఇదిలా వుంటే మహేష్ బాబు, నమ్రతాల ముద్దుల కూతురు కోసం ప్రత్యేక బహుమతిని తీసుకురావడం ఆశ్చర్యాన్ని కలిగిస్తోంది.
అలియాకు `ఈద్ ఏ మమ్మా` అనే ఓన్ క్లాతింగ్ బ్రాండ్ వుంది. తన క్లాత్ బ్రాండ్ నుండి ఒక అందమైన డ్రెస్ని సితార కోసంప్రత్యేకంగా సెలెక్ట్ చేసి ఆ డ్రెస్ని అలియా బహుమతిగా సితారకు అందజేసింది. . ఈ బ్రాండ్ ప్రత్యేకంగా రెండు నుండి 14 సంవత్సరాల మధ్య వయస్సు ఉన్న పిల్లలకు మాత్రమే. ఈ బ్రాండ్ ఇ-కామర్స్ ప్లాట్ఫామ్లో కూడా అందుబాటులో ఉంది.
అలియా బహుమతిగా ఇచ్చిన దుస్తులను ధరించిన తరువాత సీతార తన ఇన్స్టాగ్రామ్లో ఆ ఫొటోలని షేర్ చేసింది. సితారకు అలియా అంటే పిచ్చి అభిమానం. అదే విషయాన్ని ఇన్ స్టాలో పేర్కొంది. `నా అభిమాన నటి నుండి ఈ అందమైన డ్రెస్ని పొందడం ఆనందంగా వుంది. ఈ డ్రెస్ని బహుమతిగా ఇచ్చినందుకు అలియాభట్కు ధన్యవాదాలు అని సితార మురిసిపోయింది.