అఖిల్ అక్కినేనికి మొత్తానికి ఒక విజయం దక్కింది. తన నాలుగో చిత్రం మోస్ట్ ఎలిజిబుల్ బ్యాచలర్ తో సక్సెస్ ను అందుకున్నాడు అఖిల్. ఈ సినిమా నిర్మాతలతో పాటు అన్ని పార్టీలకు లాభాలను తీసుకొచ్చింది. ఈ విజయం ఇచ్చిన ఉత్సాహంతో అఖిల్ ఇప్పుడు తన ఐదవ చిత్ర షూటింగ్ తో యమా బిజీగా ఉన్నాడు.
సురేందర్ రెడ్డి దర్శకత్వంలో అఖిల్ ఒక స్లీక్ యాక్షన్ థ్రిల్లర్ ను చేస్తోన్న విషయం తెల్సిందే. ఈ ప్రాజెక్ట్ కు ఏజెంట్ అనే టైటిల్ ను కూడా ఫిక్స్ చేసారు. ప్రస్తుతం ఈ సినిమా షూటింగ్ యూరోపియన్ దేశమైన హన్గేరి రాజధాని బుడాపెస్ట్ లో జరుగుతోంది. ఒక భారీ యాక్షన్ సన్నివేశాన్ని అక్కడి ఫారిన్ క్రూ సహాయంతో షూట్ చేస్తున్నారు. ఏజెంట్ లో ఒక స్పై ఏజెంట్ గా కనిపిస్తాడు అఖిల్.
ఈ సినిమా కోసం సిక్స్ ప్యాక్ యాబ్స్ ను పెంచి ఇమేజ్ మేకోవర్ కు వెళ్ళాడు అఖిల్. ఈ చిత్రంలో హీరోయిన్ గా సాక్షి వైద్య నటిస్తోంది. ముందుగా ఎస్ ఎస్ థమన్ సంగీత దర్శకుడిగా ఎంపికైనా కానీ ఇప్పుడు థమన్ స్థానంలో హిప్ హాప్ తమిళ వచ్చినట్లు సమాచారం. ఏకే ఎంటర్టైన్మెంట్స్ సంస్థ ఈ చిత్రాన్ని నిర్మిస్తోంది. ఏజెంట్ కు సంబంధించిన మరింత సమాచారం త్వరలోనే రివీల్ అయ్యే వీలుంది.