1983.. ఇండియన్ క్రికెట్ చరిత్రలో ఈ ఇయర్కు ప్రత్యేక స్థానం వుంది. ఎలాంటి అంచనాలు లేకుండా భరత్ నుంచి ప్రపంచ కప్లోకి ఎంటరైన కపిల్ జట్టు ఆ తరువాత డేర్ డెవిల్స్గా అవతరించి భారత్ చిరకాల స్వస్నమైన వరల్డ్ కప్ని తొలిసారి ఇండియాకు అందించి చరిత్ర సృష్టించింది. ఈ క్రమంలో కపిల్దేవ్ కెప్టెన్గా ఎలాంటి ఒత్తడికి లోనయ్యాడు. ఎలాంటి ఎత్తులు వేశాడు? తనతో జట్టు సభ్యలంతా ఎలా పోరాడి భారత్కు చిరస్మరనీయమైన విజయాన్ని అందించారన్న కథాంశంతో `83` చిత్రం రూపొందుతోంది.
కబీర్ఖాన్ దర్శకత్వంలో ఫాంటమ్ పిలింస్, విష్ణు ఇందూరి, కబీర్ఖాన్, దీపికా పదుకోన్, సాజిద్ నదియావాలా సంయుక్తంగా ఈ చిత్రాన్ని నిర్మిస్తున్నారు. కపిల్ దేవ్ పాత్రలో రణ్వీర్సింగ్, ఆయన భార్య రోమి భాటియాగా దీపికా పదుకోన్ నటిస్తున్నారు. తాజాగా తన ఫస్ట్ లుక్ కు సంబంధించిన ఓ ఫొటోని స్వయంగా దీపికా పదుకోన్ సోషల్ మీడియా ఇన్స్టా ద్వారా బుధవారం రిలీజ్ చేసింది. పాత్ర చిన్నదే అయినా భారతీయ క్రికెట్ చరిత్రలో నిలిచిపోయిన మర్చిపోలేని ఘట్టానికి సంబంధించిన చిత్రంతో తానూ ఓ భాగం కావడం తనకు దక్కిన గౌరవంగా భావిస్తున్నానని దీపిక పేర్కొంది.
ఓ భర్త వృత్తి పరంగా, వ్యక్తిగతంగా సక్సెస్ని చూసిన ఓ భార్యగా తాను ఈ చిత్రంలో నటించానని. తన భర్త విజయాన్ని కోరుకునే ప్రతి మహిళకు తన పాత్ర అంకితమని ఈ సందర్భంగా వెల్లడించింది. 83 చరిత్రని మరోసారి నేటి తరానికి కళ్లకు కట్టినట్టు చూపించబోతున్న ఈ సినిమా ఏప్రిల్ 10న ప్రధాన భారతీయ భాషల్లో ప్రపంచ వ్యాప్తంగా రిలీజ్ చేస్తున్నారు.
“To play a small part in a film that captures one of the most iconic moments in sporting history has been an absolute honour!83 for me is an ode to every woman who puts her husband’s dream before her own…” #ThisIs83 pic.twitter.com/JHTjQE8KC3
— Deepika Padukone (@deepikapadukone) February 19, 2020
Credit: Twitter