మెగా ప‌వ‌ర్‌స్టార్ రామ్‌చ‌ర‌ణ్ పుట్టిన రోజున గ‌త ఏడాది `భీమ్ ఫ‌ర్ రామరాజు` పేరుతో `ఆర్ ఆర్ ఆర్` టీమ్ ఓ టెర్రిఫిక్ విజువ‌ల్స్‌తో రామ్‌చ‌ర‌ణ్ పాత్ర‌కు సంబంధించిన వీడియోని రిలీజ్ చేసిన విష‌యం తెలిసిందే. ఈ వీడియోకు ప‌లు భాష‌ల్లో యంగ్ టైగ‌ర్ ఎన్టీఆర్ వాయిస్ ఓవ‌ర్ అందించారు. ఈ వీడియోకి ఎన్టీఆర్ అందించిన వాయిస్ ఓవ‌ర్ ప్ర‌ధాన హైలైట్‌గా నిలిచింది.
ఆ త‌రువాత ఈ మూవీ నుంచి రామ్‌చ‌ర‌ణ్‌కు సంబంధించిన ఎలాంటి వీడియోగానీ, కొత్త పోస్ట‌ర్‌ని కానీ మేక‌ర్స్ రిలీజ్ చేయ‌లేదు. ఈ నెల 27న రామ్‌చ‌ర‌ణ్ పుట్టిన రోజున కొత్త పోస్ట‌ర్‌ని రిలీజ్ చేస్తున్నార‌ట. ఈ విష‌యాన్ని చిత్ర బృందం శ‌నివారం అధికారికంగా ప్ర‌క‌టించింది. ఇందులో రామ్‌చ‌ర‌ణ్ అల్లూరి సీతాక‌రామ‌రాజు పాత్ర‌లో న‌టిస్తున్న విష‌యం తెలిసిందే. ఇప్ప‌టి వ‌ర‌కు ఆ వేష‌ధార‌ణ‌కు సంబంధించిన పోస్ట‌ర్‌ని మేక‌ర్స్ రిలీజ్ చేయ‌లేదు.
మార్చి 27న మాత్రం అలాంటి లుక్‌కు సంబంధించిన బ్రాండ్ న్యూ పోస్ట‌ర్‌ని మేక‌ర్స్ రిలీజ్ చేయ‌బోతున్న‌ట్టు తెలిసింది. మ‌న్యం వీరుడు అల్లూరి సీతారామ‌రాజు లుక్‌లో రామ్‌చ‌ర‌ణ్ రోమాంచిత‌మైన లుక్‌లో క‌నిపించ‌బోతున్నాడ‌ట. ఈ విష‌యం తెలిసి మెగా ఫ్యాన్స్ పండ‌గ చేసుకుంటున్నారు. కాగా ఈ చిత్రాన్ని అక్టోబ‌ర్ 13న ప్ర‌పంచ వ్యాప్తంగా అత్యంత భారీ స్థాయిలో రిలీజ్ చేయ‌నున్న విష‌యం తెలిసిందే.